 
Sacatme ya de cadenas, | ||||
| Señora, e façetme libre: | ||||
| Que Nuestro Señor vos libre | ||||
| De las infernales penas. | ||||
| Éstas sean mis estrenas, | ||||
| Esto sólo vos demando, | ||||
| Éste sea mi aguilando; | ||||
| Que vos faden fadas buenas. | ||||
| Días ha que me prendistes | ||||
| E sabedes que soy vuestro; | ||||
| Días ha que vos demuestro | ||||
| La llaga que me feçistes. | ||||
| Desde aquellos días tristes, | ||||
| Quando primero vos vi, | ||||
| Días ha que me vos di, | ||||
| Ya sea que lo encobristes. | ||||
| Por tanto, señora mía, | ||||
| Usat de piadosas leyes | ||||
| Por estos tres sanctos Reyes | ||||
| Y por el su sancto día. | ||||
| Por bondat o fidalguía | ||||
| O por sola humanidat, | ||||
| Vos plega mi libertat, | ||||
| O por gentil cortesía. | ||||
| Ca vuestra philosomía | ||||
| Deniega feroçidat | ||||
| E muestra benignidat, | ||||
| Sin ninguna villanía. | ||||